Штипската Територијална противпожарна единица во текот на изминатите 24 часа имала три интервенции. Командирот на ТППЕ-Штип, Кирчо Патраклиев вели дека интервенирале на запален автомобил, кровна конструкција на куќа и на запален оџак.
– Со брзите интервенции на Територијалната противпожарна единица спречивме пожари од поголеми размери. За автомобилот во населбата Дузлачки рид интервенцијата утринава во 1:45 минути траеше помалку од 10 минути, вели Патраклиев.
Тој апелира до граѓаните да не создаваат и пожари во контејнерите за отпадоци со фрлање на пепел во нив, а во рок од осум дена веќе на подрачјето на Штип се уништени четири пластични контејнери за отпадоци.