Штипското комунално претпријатие „Исар“ обезбеди нова опрема за уредување на зелените површини околу станбените згради, пешачките патеки и за парковите низ населбите. Директорот на ЈП „Исар“, Живко Тасев вели дека со новата опрема екипите на работна единица „Паркови и зеленило“ ќе бидат поефикасни во своето работење.
– Набавени се четири тримери или грбни косилки и две косачки на тркала, со кои многу полесно ќе се одвиваат работите во Паркови и зеленило, односно косење по сите булевари, тревнати површини и во сите урбани заедници, вели Тасев.
Тој забележа дека средствата за набавка на потребните косачки се од сопствени извори.
– Вредноста на овие две косачки и грбни косилки, изнесува околу 200.000 денари, рече Тасев.
Ова не е прва набавка на вакви средства. Планирано е ЈП „Исар“ – Штип во наредниот период да изврши уште неколку набавки на опрема и за останатите работни единици.