Штипските јавни претпријатија продолжуваат со уредувањето на пешачката и велосипедска патека, која е изградена покрај кејот на реката Брегалница, најави на денешнта прес-конференција директорот на ЈП „Исар“-Штип, Ангел Бојаџиев.
Тој истакна дека пешачката и велосипедска патека е во должина од 5,5 километри, еден дел е осветлен, а во текот на наредните месеци ќе продолжи поставувањето на уличното осветлување од штипската населба „8 ми Ноември“ до приградската населба Стар Карорман.
– Претходно знаете дека штипјани немаа каде да рекреираат, еве сега благодарение на локалната власт гледате дека патеката е еден од најдобрите проекти кои ги има направено градоначалникот на Општина Штип, Илчо Захариев. Голем број граѓани редовно ја посетуваат има некаде над 500 граѓани, па и повеќе кои шетаат на оваа патека, вели Бојаџиев.
Тој забележа дека екипите на ЈП „Исар“ холтикултурно ја уредија патеката, а исто така поставени се и канти за отпадоци и клупи. Постојано се чисти и уредува патеката, а се апелира граѓаните да се грижат за неа во делот на комуналната хигиена и за дрвцата и зеленилото околу неа.