Штипската општина ќе обезбеди униформи за вработените во Брзата помош

Од:

Вработените во Итната медицинска помош во Штип ќе добијат униформи, донација од Општината. За оваа намена се обезбедени 200.000 денари.

Како што соопшти градоначалникот Зоран Алексов, идејата за донирање униформи е одлична, бидејќи здравствените работници од итната помош се првите кои интервенираат при која и каква било несреќа.

– Бојата на униформите допрва ќе се одредува. Началникот на Одделението веднаш ќе достави барање до Советот на Општина Штип за доделување на предвидените средства, вели Алексов.

Началникот на Итната медицинска помош при ЈЗУ „Панче Караѓозов“ Штип, Сунчица Постолова вели дека добивањето на униформите за вработените е голем гест, а исто така таа вели дека условите за работа во Брзата помош годинава се подигнати на висок степен благодарени на добивањето на четирите нови возила од Министерството за здравство.

Би можело да ве интересира

Недели не делат од убава вест за доизградбата на новата Клиничка болница во Штип, најави премиерот

Пијан штипјанец предизвикал сообраќајка, а немал положено за возачка

Министерот Кенеди отпушта 10.000 луѓе во здравството

Штип се прости од петтемина загинати во пожарот во Кочани

По трагедија во Кочани: Штипјани рекоа „Доста е“

Протест во Штип: Сите да ја добијат својата казна