„Сојузот на иднината“ денеска во градот под Исарот во 18 часот ќе го започне својот мирен марш. Говорници на вечерашниот Граѓански парламент во 18 часот во Штип ќе бидат Стојан Шумански, поранешен фудбалер на ФК Брегалница, Маријана Рогожарска член на Извршниот одбор на СДСМ од Штип, пратеничката Маринела Тушева, нејзините колеги Билјана Казанџиска, Здравко Коцев, кандидат за градоначалник на Штип и Бранко Црвенковски, претседател на СДСМ.
– Зборното место е во 17.30 часот во населбата Автокоманда, а маршот завршува пред „Стопанска Банка“ во центарот на градот, велат од СДСМ.
Вчера пак, лидерот на СДСМ, Бранко Црвенковски на мирниот протест во Струмица изјави дека „враќање во парламентот нема, единствен излез од оваа криза се предвремени парламентарни, фер избори. Овие денови се случуваат настани кои ќе ја одредуваат судбината на Македонија, влогот е голем и од битката нема повлекување.