Во Штип почна постапката за формирање ново јавно претпријатие, кое ќе биде одговорно за гасификација на градот и индустриската зона. Претседателот на Комисијата за урбанизам при Советот на Општина Штип, Бојан Кереместевски рече дека од денеска стартува процедурата на создавање на ЈП „ Енерго-Штип“, а во кое за почеток ќе има двајца вработени.
– Ова јавно претпријатие ќе биде со управувачки орган, односно со управен и надзорен одбор. Висината за влогот е 5. 000 евра кои се обезбедени од буџетот на Општина Штип, а првичната сума за формирање на оваа јавно претпријатие е 900.000 денари. Функцијата на ЈП „Енерго–Штип му е приклучување на гасоводот, рече Керемествевски.
Градоначалникот на Општина Штип, Зоран Алексов рече дека донесувањето на Предлог-одлуката за формирање на ЈП „Енерго-Штип од страна на советниците во Советот на Општина Штип ќе биде една од најзначајните точки и тоа на последната седница.
-Вработените во ЈП „Енерго-Штип“ на самиот почеток ќе имаат за задача да ги подготват сите студии, материјали и да ги направи сите анализи за трасите на гасот каде би можел да поминува. Потоа која би била влезнатата цена на гасот, рече Алексов.
Тој рече дека на средбата со претставниците на бизнис заедницата во Штип покажала дека овој проект е прифатлив и добредојден за индустрриските зони во градот, а исто така и општинските институции и училишта ќе имаат голема заштеда за енергијата.