Тага и болка го обвитка Штип, по трагичната сообраќајка во неделата вечерта која животот го загубија Јани Димитриев (18), Стефан Николов (22) и Бојан Бочварски (25).
Како под команда на само 30 минути пред полноќ во неделата вечерта вработените ја запреле музиката им се се обратиле на посетители со жалната вест.
Улиците на Штип вчера беа празни и неми, ја немаше вообичаената утринска веселост а изразите на лицата на луѓето беа доволен доказ за големата жалост поради трите млади загубени животи.
Момчињата за Скопје заминале во саботата претпладне, а истата вечер едно од момчињата присуствувало на свадбата на пратеничката Маринела Тушева. Во саботата ноќта одлучиле да преспијат во Скопје а во неделата, нешто после 18,30 часот, да тргнат назад за Штип.
Бојан е син на познатиот бизнисмен Влатко Бочварски, косопственик на компанијата „Пелагонија“, додека неговата мајка е наставничка во средното медицинско, Тој бил студент на Градежниот факултет и наскоро требало да дипломира. Најмладиот меѓу нив, Јани, штипјани го знаат како дете на сопственикот на „Пара поли“, Мишко Димитриевски, и неговата сопруга Валентина, наставничка во „Ванчо Прке“. За два месеци тој требаше да ја прослави својата матурска. Стефан Николов е син на штипскиот бизнисмен Марјан Николов и бил одличен студент.
Денеска ќе се одржи комеморација за загинатите момчиња во штипската гимназија, а сите манифестации се откажани. Трите прерано згаснати животи во вечноста ќе бидат испратени од митрополитот брегалнички Иларион со свештенослужители и од илјадници штипјани.