Во наредните 24 часа Штип ќе нема вода за пиење. Таа не треба да се користи зашто бунарите од водоводниот систем се поплавени, а пумпите се исклучени.
Со одлука на Кризниот штаб, во прекин ќе биде наставата за учениците од пет основни и четири средни училишта во градот.
Директорот на ЈП „Исар“ Никола Мицевски изјави дека откако ќе се нормализира водостојот ќе се земат примероци за да се испита исправноста на водата за пиење.
Екипите на Противпожарната единица и трите јавни претпријатија ги санираат штетите од поплавите и испумпуваат вода од поплавените домови и индустриски објекти кои се наоаѓаат по течението на реката Брегалница.
