Шминка, долги нокти, пирсеви и искинати фармерки се забранети: Прилепска гимназија објави правилник за учениците

Од:

Прилепската гимназија „Мирче Ацев“ објави правилник за надворешниот излед на учениците и плакати со тоа што треба, а што не треба да носат се поставени низ ходниците на средното училиште.

Според правилникот, учениците не смеат да доаѓаат на училиште во хеланки, шорцеви, кратки панталони и маичци, маици на прерамки, искинати фармерки и панталони, тренерки и кратни здолништа.

„Правилата за надворешниот изглед на учениците во гимназијата, добија визуелен формат. Со плакат, поставен на влезната врата и низ ходниците на училиштето, учениците се потсетуваат дека треба да се придржуваат до правилата од Кодексот за однесување и надворешен изглед“, стои на вебсајтот на гимназијата.

Училиштето има и свој Кодекс за облекување на учениците:

– Секој ученик треба да е пристојно облечен на часот (независно дали е со физичко присуство или учење од далечина); Учениците се должни на часот (независно дали е со физичко присуство или учење од далечина), да бидат уредно облечени горен дел пристоен изглед –маичка/блуза/дуксер, долен дел фармерки/панталони/сукња со пристојна должина.

– Со својот пристоен изглед нема да се издвојуваат од средината. Во спротивно, нема да бидат примени на настава независно (дали е со физичко присуство или учење од далечина).

– Дозволена должина на здолништа е до и под колена, а на панталони исклучиво долги.

– Секој ученик да внимава на својата фризура за време на настава, без разлика дали е со физичко присуство или учење од далечина, (женските со уредна и прибрана фризура без разлика на должината на косата, без шминка и лакирани нокти, а кај машките без долга коса, репче и брада)“, стои во Кодексот.

Би можело да ве интересира

Деветтооделенци од Кавадарци краделе и монтирале фотографии од соученички за да им се исмејуваат

Орце Костов

Учениците се враќаат на настава

СДСМ: Започнува исплатата на финансиската поддршка за основците и средношколците

Горан Наумовски

Приведен прилепчанец, носел 7480 пиротехнички средства во автомобил

А1он

„Бехтел и Енка“ уништуваат заштитени минерали за камен со кој не може да се тампонира автопат, обвинуваат активистите

Орце Костов

СДСМ: Со нас има повеќе за сите, 1.200 до 1.800 денари месечно за 105.000 ученици