Уставниот суд треба веднаш да се изјасни околу иницијативата за оценување на уставноста на Законот за Специјално јавно обвинителство.
Правдата и борбата против криминалот и корупцијата не смеат да бидат под каква било или било чија закана.
Граѓаните знаат, Уставниот суд за само 5 дена поведе постапка и за само 7 дена да донесе Одлука за иницијативата на ДУИ.
Повеќе од 8 месеци Уставен суд не прави ништо околу иницијативата за Законот за СЈО и го држи во заложништво судството и владеењето на правото.
Тоа е недозволиво. Никој не е над правото и правната држава, рече на прес конференција, портпаролот на СДСМ, Петре Шилегов.
Според него, приоритет за Уставниот суд на државата Република Македонија треба да биде уставноста на Законот за СЈО.
-Само така ќе се обезбеди непречена работа на единствената независна институција којашто вистински се бори против криминалот и корупцијата.
Граѓаните мора да бидат сигурни дека пред законите се сите еднакви, исти се и граѓаните и политичарите.
Само на тој начин договорот од Пржино може да преживее.
За излез од длабоката политичка криза потребно е итно да се обезбеди владеењето на правото и исполнување на сите услови за слободни фер, демократски и кредибилни избори, рече Шилегов.