Градоначалникот на град Скопје, Петре Шилегов, призна дека шефот на кабинетот, Никола Наумоски, е сè уште основач на здружението „Плоштад слобода“, кое доби 180 илјади денари од Градот за културен проект. Шилегов тврди дека Наумоски не може да се тргне од таа позиција.
„Не можете да се тргнете од основач на здружение, тоа е број еден. Тој е основач затоа што ви требаат пет луѓе за да основате здружение. Во овој процес нема ништо совршено, ништо сомнително. Никола Наумоски бил дел од раководните стуктури и бил повлечен во моементот кога станал шеф на кабинетот. Тој го замрзна своето челенување и е повлечен од органите на управување на тоа здружение“, вели Шилегов.
Градоначалникот на град Скопје вели дека Наумоски немал влијание врз одлуката.
„Апсолутно, ниту има влијание врз нашата одлука ниту врз одлуката на комисијата. Никола Наумоски не можел да влијае на таа одлука лично, ниту е засегнат. Повторувам, програмата е 16 милиони денари. ‘Плоштад слобода’ има добиено 180 илјади денари од Градот“, вели Шилегов.
Шилегов потсети дека Наумоски бил дел од неговиот изборен штаб и како граѓански активист станал шеф на кабинетот.
Кристијан Ландов