Портпаролот на СДСМ и пратеник, Петре Шилегов го потсети Трајко Вељаноски дека четири недели претседава нелегитимно со седницата, од каде, како што кажа, се изнеусваат ноторни лаги.
– Вашите изјави се засноваат на лаги. Вие сте најголеми национални предавници во историјата на Македонија. Поддржувате човек кој го урниса Уставот. Да ја сакате толку Македонија, немаше да ја пљачкате толку многу, рече Шилегов.
Тој кажа дека пратениците од ВМРО-ДПМНЕ гледаат како да се спасат и потсети дека е добро во Македонија да се развива демократскиот процес и дека не е ништо страшно после 11 години ВМРО-ДПМНЕ да замине во опозиција.
– Не е страшно да осетите како владее правото. На крајот ќе останете партија со пет пратеници, рече Шилегов.