Претседателката на Уставниот суд Елена Гошева, има конфликт на интереси и токму затоа мора да си поднесе неотповиклива оставка од својата функција, вели Петре Шилегов, портпаролот на СДСМ.
„Директната партиска поврзаност на фамилијата Гошеви со ВМРО-ДПМНЕ е клучен аргумент дека Елена Гошева не може да одлучува објективно и непристрасно кога станува збор за изборните криминали на ВМРО-ДПМНЕ. Ќерката на Елена Гошева, Слободанка, е директорка за регулатива и големопродажба во Телеком. Таму главен извршен директор е Жарко Луковски, кумашин на Сашо Мијалков. Потсетуваме дека ќерката на на Елена Гошева била потпреседателка на УМС на ВМРО-ДПМНЕ. Сопругот на Слободанка, Игор Гиевски е пореанешен претседател на УМС, на ВМРО-ДПМНЕ, а сега е член на управниот одбор на ЕВН, именуван токму од Владата. Сопругот на Елена Ѓошева, Ѓорѓи Гошев, бил поранешен директор на студентскиот центар, назначен од ВМРО – ДПМНЕ“, рече Шилегов на денешната прес конференција.
„Да имаше Елена Гошева морален, личен и професионален интегритет, сама ќе поднесеше оставка. Срамната одлука на Уставниот суд не може и нема да го заштити Никола Груевски од изборниот криминал. Интерес на сите граѓани во Република Македонија е правда и владеење на правото. Во Македонија, мора да има и ќе има слободни, фер и демократски избори со пречистен избирачки список и реформи за медиумски слободи. Секој што ќе го прекрши законот, мора да одговара“, додаде Шилегов.