Шилегов: 15 пожарникари и три возила од Скопје ќе помагаат да се гасне пожарот во Кочани

Од:

Градоначалникот на Скопје Петре Шилегов вели дека во моментов 3 екипи од Противпожарната бригада на Град Скопје (15 пожарникари и 3 возила) се упатуваат да помогнат на граѓаните на Кочани и ќе се стават на располагање на тамошните служби.

„Во текот на денешниот ден, скопските пожарникари гасеа 9 пожари во Скопје и скопско, а 2 екипи беа на испомош во Старо Нагоричане. Апелирам до граѓаните внимателно да се однесуваат во овие топли денови. Мало невнимание може да предизвика сериозни последици“, пишува Шилегов на Фејсбук.

Попладнево огромен пожар се шири во кочанско Белско маало и местото викано Драчевник. Зафатени се шуми, а горат и бандери. Жителите бараат помош од институциите и граѓаните, а се обидуваат пожарот и сами да го изгаснат. Неофицијално, според тврдењата на мештаните во Белско маало пожарот зафатил и стари куќи.

Мештаните велат дека на терен е страшно, а говорат и дека се слушаат силни експлозии предизвикани од огнот.

Би можело да ве интересира

Горат шуми кај скопските села Виниче и Зелениково, како и на планината Кожуф

ЦУК: Активни се четири пожари, два се под контрола

„62 ангела – вечна светлина во нашите срца“ вечерва во „Паркот на Револуцијата“ во Кочани

Горан Наумовски

Граѓани, роднини и пријатели вечерва во Штип им оддадоа почит на загинатите во кочанската дискотека „Пулс“

ЦУК: Активни се пет пожари, еден е под контрола

Во Скопје вечерва се одржува собир во чест на жртвите од трагичниот пожар во дискотеката „Пулс“

Горан Наумовски