6-годишно девојче од Истанбул, Турција попладнево за малку ќе се удавеше во Охридското езеро на плажата кај Свети Наум. Девојчето според информации на спасителите се капело во делот каде што водата се влева во езерото.Поради брзината и струењето на водата девојчето отишло 80 метри надвор од безбедносната зона за капење.Малку фалело девојчето да се удави, но поради брзата интервенција на спасителот, го одминала најлошото.
Спасителот затоа што немал соодветна опрема да реагира надвор од зоната за капење реагирал со помош на кајак кој бил поставен за издавање на плажата. Девојчето било извадено на сигурно и поставено на сенка, по што и била пружана психо подршка.
„Ситуацијата сега е во во ред и добро е што инстервенцијата за спасување заврши успешно“, изјави за А1 Миодраг Цекиќ координатор на спасувачките екипи на Црвен крст Охрид
Влевањето на реката во Охридското езеро е многу критичен дел и како таков се покажа претходните години. Девојчето од Турција била во опасна ситуација затоа што е мала на возраст, не е сигурен пливач, но поради ситуацијата ја фатило и паника. Таа се наоѓала во прва фаза на давење со можност да се префрли во втора фаза на давење.Состојбата на девојчето била толку лоша, што спасителот имал потреба од поголема минутажа за да може да ја смири и неа и нејзините најблиски на плажата, рече Цекиќ.
Ова е осмо по ред вадење на давеник од водите на Охридското езеро оваа сезона.
Мики Трајковски