Тешка сообраќајна несреќа се случи вечерва на улицата „Првомајска“ во Кисела Вода. Сударот се случи помеѓу пет автомобили, кои се целосно уништени. Четири автомобили се и превртени, а едниот е без предно тркало.
Неофицијалните информации говорат дека има шест тешко повредени лица. Засега, нема официјални информации за загинати патници. На „Првомајска“ после Цементара, насекаде се распрскани делови од автомобилите.
Дел од лицата кои биле во возилата со Брза помош се итно пренесени во болница. На терен има најмалку три полициски возила и десетици полицајци. Улицата е целосно затворена за сообраќај веќе неколку часа.
Засега нема официјални податоци од МВР.