Опозицијата жестоко се спротивставува на Законот за задолжување на државава кај Светска банка со нови 50 милиони долари.
За власта, поднесувањето на амандманите од страна на опозицијата значи дека сакаат да ја блокираат државата и дека не сакаат да се донесе буџетот за 2013 година.
Опозицијата укажа дека власта не знае да функционира без пари за поткупување гласови и гласачи, зашто, рекоа веќе го нема детонатор и црните вреќи.Парите, велат на власта и се за нови споменици, за апаратите за бркање на птиците од спомениците, за нивните чувари и за партиските вработувања.
Овие пари треба да се враќаат, и тоа ќе треба и нашите деца да го плаќаат луксузирањето на ВМРО-ДПМНЕ, рекоа од СДСМ
„Кредиторите се точни како смрт. Тие ќе дојдат по своето. Собранието треба да каже„Не“, порача Радмила Шеќеринска.
„Различно размислувате кога сте власт и кога сте опозиција. РМ од 2013 треба да врати една милијарда евра, но половина од овој долг е направен од Владите на СДСМ. Преседан е што се поднесуваат стотина амандман за да не се добие кредит“, реплицираше Владанка Авировиќ.
„Згрешиш ген ќе добиеш деген. Вие се измешавте“, врати Шеќеринска.
„Со чии пари Боркица Груевска се шеташе во Холивуд, додека граѓаните немаат пари за леб. Груевски и Ставрески на ваков начин ги реализираат соништата од детството“, обвини Билјана Казанџиска.
Не беше прифатен предлогот на Силвана Бонева за ограничување на дискусиите.