– На веб страницата на Владата на Република Македонија која се уште е предводена од ВМРО-ДПМНЕ стои документ во кој Владата вели дека е потребна измена на Законот за јазици и истата таа Влада на ВМРО-ДПМНЕ бара сеопфатна дискусија за националните симболи, рече Радмила Шекеринска.
Таа нагласи дека додека траат овие дискусии во парламентот и се опструира изборот на претседател на Собранието, приходите во буџетот се паднати за 15 до 19 проценти, а расходите за 13 до 14 проценти.
Шекеринска кажа дека Владата на ВМРО-ДПМНЕ документот за закон за јазици и сеопфатна дискусија за националните симобли скапо го платила со народни пари.
– Со 170 илјади евра е платен тој документ. Сте ги искористиле парите на граѓаните истиот да се напише и да стои закачен на веб страната на Влада, рече Шекеринска.