Шеесет и деветгодишна жена е жртвата во синоќешната сообраќајна несреќа во Чаир

Од:

Жртвата во сообраќајната несреќа што вчеравечер се случи на булевар „Христијан Тодоровски Карпош“ во скопски Чаир е 69-годишна жена од Скопје со иницијали Н.П..

За сообраќајката било пријавено вчера во 18.40 часот во СВР Скопје. Жената починала од повредите на местото на несреќата откако била удрена од патничко возило „сеат алтеа“ со скопски регистарски ознаки, управувано од А.Џ.(19) од Скопје. Нејзината смрт ја констатирал лекар од Итна медицинска помош.

Како што вчера информираше МВР, деветнаесетгодишната А.Џ. се здобила со телесни повреди констатирани во Градската општа болница „8 Септември“.

МВР не соопштува за причините за сообраќајната несреќа.

По наредба на јавен обвинител телото на почината било дадено на обдукција. Извршен бил увид од јавен обвинител и увидна екипа од СВР Скопје.

Би можело да ве интересира

Се преврте камион на патот кон Косово, утре изутрина можно е да има краткотраен прекин или пренасочување на сообраќајот

Двајца иселеници од Дебарско загинаа во сообраќајка во Италија

Скопјанец со возило удри двајца малолетници, повредените завршија во болница

Во сообраќајка се преврте возило на АРМ, едно лице е повредено

Возило удри во пешак, возачот е во бегство

Автомобил тешко повреди велосипедист, возачот е во бегство