Техничка и институционална подготовка на Пелагонискиот, Југозападниот, Вардарскиот и Скопскиот регион, се неопходни за воспоставување на интегриран и финансиски самоодржлив систем за управување со отпад на регионално ниво. Тоа е остварено во рамки на 24-месечниот проект за управување со отпад во четирите региони, финансиран од Европската унија со 3,58 милиони евра.
Министерот без ресор задолжен за подобрување на инвестициската клима, Зоран Шапуриќ, рече дека ова одржливо управување со отпад би се одвивало во пет до седум регионални центри, во кои би се депонирало само она што не може претходно да се преработи.
– Владата ќе направи се да ги поттикне општините заедно со ЕУ да го поддржат и имплементираат овој регионален пристап. Општините технички се спремни, но треба да се отстранат некои недоразбирања, како и начин за финансирање, изјави Шапуриќ.