Нов пожар попладнево на улицата „Индустриска“ во Куманово, на локацијата каде има отпад на стари автомобили.
Од територијалната противпожарна единица Куманово информираат дека огнот зафати каросерии и сува трева, но ситуацијата е под контрола.
„Во моментов, пожарот е локализиран и наскоро целосно ќе биде изгаснат. На терен сме две екипи со две противпожарни возила“, изјави командирот на ТППЕ Куманово, Дејан Илиевски.
Пожарот е видлив од повисоките делови на Куманово, а граѓаните повторно изразуваат загриженост поради густиот чад и непријатниот мирис.
На истата локација пред еден месец веќе избувна сличен пожар, тогаш интервенираа пет противпожарни возила.
Надлежните апелираат за внимателност.