Шанса за Центар: Институциите да ги расчистат сомнежите за пожарот кај „Треска“

Од:

Од граѓанската иницијатива „Шанса за Центар“ бараат институциите да ги расчистат сомнежите за пожарот кај „Треска“.

„Старите хали повторно горат кога е во ек јавна дискусија за тоа што ќе се случува понатаму со „Треска“, а се шират и сомнежи дека пожарите се подметнати. Ги очекуваме надлежните институции, Министерството за внатрешни работи, Противпожарната бригада и Град Скопје детално и брзо да се изјаснат за тврдењата дали последниот пожар е подметнат.

Ги повикуваме надлежните институции и Државниот инспекторат за животна средина да утврдат какви материи се чуваат во кругот на поранешната фабрика и дали претставуваат опасност за избувнување на пожари или за здравјето на луѓето кои живеат во околината на „Треска“, па и во целата општина. Бараме институциите да ја информираат јавноста дали сопствениците на објектите и на земјиштето имаат обврска да го расчистат отпадниот материјал од нивните имоти со цел да се намали опасноста за граѓаните.

Шанса за Центар смета дека одолговлекувањето на постапката за носење нов урбанистички план за подрачјето на „Треска“, придонесува за продолжување на неизвесноста и ја зголемува можноста за нови несакани случувања.

Бараме општината да не тактизира со објавувањето на конкурсните решенија, туку во согласност со одлуката на Советот да организира јавна презентација на трудовите со кои се нуди поквалитетно решение за подрачјето и подобри услови за достоинствен живот на сегашните и идните жители“, велат од Шанса за Центар.

Би можело да ве интересира

Пожар во дом за стари лица во Германија, четворица загинати, 59 се повредени

(ВИДЕО) Петгодишно момче, неговиот татко и баба загинаа во пожар во Шпанија

(ВИДЕО) Пожар во Лондон, 11 лица завршија во болница

Горан Наумовски

Најмалку 43 лица загинаа во пожар што избувна во зграда во Бангладеш

(ВИДЕО) Големиот пожар во Тексас ја зема првата жртва

Големи пожари во Тексас, пожарот зафати 500.000 хектари земја