Рочиштето за нарачаните шамари во Општината Центар за градоначалникот Андреј Жерновски се одложи за 28 септември, бидејќи како што кажа судијката Татјана Михајлова, предметот не стигнал од Апелација во Основен.
Во овој предмет се обвинети 14 лица, од кои пет како поттикнувачи, а останатите како директни извршители на насилството.
Меѓу обвинетите се и поранешниот премиер Никола Груевски, поранешниот министер Миле Јанакиески и актуелната пратеничка во Собранието и поранешна советничка во општина Центар Даниела Рангелова, кои денеска дојдоа во Судот.
На денешното рочиште беа пристуни и градоначалникот на Центар Андреј Жерновски, како и општински советници.
Специјалното јавно обвинителство го покрена овој случај на 15 септември минатата година.