СЕММ: Итна реакција на полицијата и ЈО за расветлување на инцидентите во кои беа нападнати новинарски екипи

Од:

„Советот за етика во медиумите (СЕММ), по вчерашните инциденти во Собранието на Република Македонија, во кои беа нападнати и новинарски екипи од неколку медиуми, апелира за итна реакција на полицијата и Јавното обвинителство и преземање на неопходните мерки за расветлување и расчистување на инцидентите.

Ваквите случувања се суров доказ за алармантните услови со кои се соочуваат медиумите, а насилството врз нив е атак врз демократијата, а со тоа и криминал врз општеството. Доколку властите не преземат сериозни чекори во заштитата на слободата на изразување ќе продолжат да ги охрабруваат оние кои имаат за цел по пат на сила да ги замолчат новинарите и другите критички гласови во општество. Барањето одговорност од политичарите е една од клучните одговорности во новинарството и медиумите не смеат да бидат блокирани во обидите да ги истражат сите важни прашања од јавен интерес.

Потсетуваме дека државата, во согласност со член 10 од Европската конвенција за човекови права, е одговорна за преземање на сите активни мерки со цел да создаде и одржува поволна средина за слобода на изразување. Ваквата слобода и права помагаат да се забрза развојот на отворено, толерантно, општество во кое мора да се почитуваат човековите права, вкучувајќи ја и слободата на медиумите.

Ги повикуваме и медиумите професионално и непристрасно да ја вршат својата работа за урамнотежено претставување на настаните од сите засегнати страни“, се вели во соопштението на СЕММ.

Би можело да ве интересира

Собранието ги донесе реформските закони за дигитална трансформација

На 9 јули пратениците ќе расправаат за интерпелацијата за претседателот на Уставниот суд

Здравковски: Охрабрувачки е фокусот на Владата кон младите

Постојаната анкетна комисија за заштита на слободите и правата на граѓанинот без присуство на мнозинството донесе одлука за одржување Надзорна расправа за трагедијата во Кочани

Пратениците ја изгласаа Фискална стратегија на Република Македонија за 2026 – 2030 година

Горан Наумовски

Змија предизвика хаос во Собранието на БиХ: Поради „небезбедни услови“, седницата беше откажана, наредена е истрага