Села ветува 500 милиони евра за „ревитализација на албанските населби“

Од:

Коалицијата Алијанса за Албанците и Алтернатива за Албанците и кандидатите за пратеници од шестата изборна единица денеска ја претставија програмата „Држава за сите“ пред жителите на неколку села во Општина Теарце.

Носителот на кандидатската листа и претседател на Алијансата за Албанците, Зијадин Села зборуваше за многуте проблеми на албанските села, на кои според него им недостасуваат основни услови. Села истакна дека коалицијата АА-ААА предвидува „инвестиции од 500 милиони евра само за албанските населби“.

-Ние ќе бидеме имиџ на политичарот кој ќе биде избран и го исполнува тоа што го ветува. Никој од нас нема да слушне празни зборови и големи позиции затоа што нашето политичко дејствување не е само за поединецот како индивидуа. Нашата политика е поврзана со проблемите, проблемите на Албанците, каде и да се. Во нашата програма ќе видите, предвидени се 500 милиони евра инвестиции за четири години власт директно за ревитализација на албанските населби,“ истакна Села пред жителите на полошките села Нераште и Доброште.

Села појасни дека програмата е направена директно од барањата и загриженоста на граѓаните, бидејќи пред неколку месеци тој самиот ги поминал сите албански села, каде разговарал со жителите на секое село. Ова, објасни тој, е направено со цел внимателно да се допрат сите проблеми на граѓаните.

Би можело да ве интересира

Џафери ја напушти Инфективна, тој ќе ја води конститутивната седница

Ана Ололовска

Конститутивна седница на Собранието утре, партиски разговори за формирање влада

Ана Ололовска

Конститутивната седница на Собрание во вторник под посебни протоколи

Ана Ололовска

Али Ахмети: Се сретнавме со Биљал Касами, разговаравме за евроинтеграциите и реформите

А1он

„Форин Полиси“: Изборните резултати во С. Македонија се добра вест за ЕУ и САД

Ана Ололовска

Партиите „во низок старт“ за преговори за формирање нова влада

Ана Ололовска