Со одлука на Советот од претходниот состав, угостителските објекти покрај кејот на реката Црн Дрим имаат право да поставуваат маси метар и половина на шеталиштето. Тоа морам да го почитувам се додека нема нова одлука на Советот, нагласи струшкиот градоначалник Зијадин Села.
Тој писмено ги извести сопствениците до 30 јуни да ги отстранат монтажните објекти, а на оние што не го испочитуваа рокот, присилно им беа отстранети објектите.
– Мојата работа ја завршив пред една недела кога ја информирав фирмата што требаше да ги руши објектите. Не сум стопанственик за да тргувам со гласачите. Тоа што ветив ќе се реализира. Не се работи за отстранување на масите. Јас работам според постоечки закон и одлуки, рече Села.
Струшкиот градоначалник најави дека планира преку тендер да се изнајде идејно решение за тоа како ќе се регулира крајбрежјето.
– Целта ми е да привлечам што повеќе туристи и да работам и за оние што сега се чувствуваат загрозени дека нешто им се руши. Ефектот ќе биде уште подобар, додаде Села.