Седми „Марш за ангелите“ во Кочани: Нашиот молк зборува повеќе од илјада зборови, но нема да трае вечно како вашето судење

Од:

Во молк, без транспаренти и со фотографии од починатите деца, родителите и семејствата на починатите во пожарот во клубот „Пулс“ денеска во Кочани го оддржаа седмиот „Марш за ангелите“.

Учесниците на маршот ја поминаа вообичаената маршрута од Паркот на Револуцијата, низ Трговскиот центар, кратко запреа кај зградата на Општина Кочани и Полициската станица, а потоа стигнаа пред Основниот суд и Обвинителството.

Единствената јавна порака, испишана на хартија што се појави во средината на поворката беше „Системот убива – ние молчиме“, што го карактеризираше и денешниот протестен марш.

-Нашиот молк е гласот на оние што трагично заминаа во огнот. Молк што зборува повеќе од илјада зборови, ама нема да трае вечно како вашето судење, беше гласната порака што ја упатија родителите пред Судот во Кочани.

Одговарајќи на новинарско прашање дали ќе одат во Обвинителството за да изложат свои забелешки и докази, родителите рекоа дека истражните органи сами треба да го прибираат доказниот материјал и досега не биле повикани, но ако некој им се јави подготвени се да дадат искази.

На протестниот марш имаше забелешка од дел од семејствата за присуството на претставници од политички партии, при што нагласија дека не сакаат никаква политичка позадина на нивните собири на кои само бараат неселективна правда за своите починати чеда.

Би можело да ве интересира

Мртов маж од Скопје е пронајден во паркот спроти поранешна „Нова Македонија”

Македонските граѓани без виза можат да влезат во 130 држави во светот

Илјадници демонстранти се собраа во Тел Авив барајќи крај на војната во Газа

(ВИДЕО) Зеленски потпиша контроверзен закон, започнаа најголемите протести од почетокот на војната

Се запали куќа во Кочани: Пожарникарите спасија повозрасна жена, три лица завршија во болница

Горан Наумовски

Искуствата на Грција, Албанија и Лихтенштајн не им одат на рака на противниците на игрите на среќа во Македонија