Поради интервенција на Територијалната противпожарна единица (ТППЕ) од Делчево на запалено возило, во моментов во застој е сообраќајот на патот Делчево – Ѕвегор – Граничен премин.
Според информациите на жители на селото запалено е комби возило, по што е повикана екипа на ТППЕ Делчево.
-Веднаш по опожарувањето на возилото повикана е екипа на ТППЕ Делчево, која во моментот врши гаснење на истото, истакнаа жители на селото.
Настанот е пријавен во полиција од каде го потврдија случајот, а со повеќе детали околу причината за пожарот ќе излезат во текот на денот.