Свлечиште на земја беше причина да се урне потпорен ѕид од камења од дворот на црквата Свети Никола во тетовската населба Колтук.
Лизгањето на земјата освен ѕидот оштети дел од патот што води кон ридот Балтепе и населените места Селце и Лавце. Црковниот одбор денеска ангажираше механизација да се расчистат земјата и камењата што се урнаа и паднаа на спортското игралиште. По расчистувањето ќе започнат активности за санација на ѕидот, а овој пат од одборот е со намера да изгради бетонски ѕид, објави тетовската телевизија Кис.