Случајно пред кривичниот суд во Скопје денеска се сретнале Љубе Бошкоски и Велија Рамковски. Љубе Бошкоски чекал три часа во полициско комбе пред судот на судењето со Латас, на кое новинарот и уредник е тужен за тврдењата дека Бошкоски го предал Тарчуловски, но уредникот на Сител не се појавил денеска. Спорот трае повеќе од две години, а сеуште е на стартот.
Велија Рамковски денеска беше во судот по тужбата на новинарката Снежана Лупевска за изјавата на сопственикот на А1 телевизија дека и ја изградил куќата во која сега живее.
Кога излегувал од судот Рамковски го забележеал на Љубе Бошкоски и почнал да вика „Брат, издржи“ на што Бошкоски му возвратил „Издржи и ти, се ќе се среди“.
Бошкоски и Рамковски самите го предвидоа затворот во кој се најдоа. Рамковски на последната трибина со Бошкоски во 2010 година, кажа дека власта сака да ја затвори А1 и да го стави во затвор. Бошкоски додека траеше изборната кампања обелодени дека му се подготвува сценарио во кое со наместени и договорени сведоци треба да биде обвинет за убиството на Марјан Тушевски.
Бошкоски беше уапсен за нелегално финасирање на политичката капмања, процес кој и Стејт Департментот го нарече „политички монтиран случај“, исто како и процесот против Рамковски, а делото за кое екс министерот за внатрешни кажа дека ќе биде обвинет, се одвива во моментов додека е во затвор.