Се собираат пари и градежни материјали за нов дом за болната девојка во Мирковци

Од:

Наскоро ќе почне изградба на нов дом за семејството на Маја, која боледува од целебрална парализа, во скопско Мирковци. Група активисти од една хуманитарна организација започнаа акција и собираат парични средства и градежни материјали и очекуваат од 10 март да почне реконструкцијата на руинираната куќа во која нема услови за пристоен живот.

Неодамнешната сторија на „А1он“ за четиричленото семејство ја разбуди хуманоста кај граѓаните да помогнат за да се подобрат условите, особено за болната 32-годишна девојка, која наместо на кревет, повеќе од 15 години лежи на душек, директно на бетон.

Хуманитарците од „Подари насмевка“ се оптимисти дека ќе се соберат доволно средства со кои ќе се обезбеди нормален живот на овие луѓе.

„Медиумите многу ни помогнаа да ја кренеме свеста кај граѓаните и да покажат хуманост. Веќе имаме обезбедено цигли, ќерамиди, гипс-картон, елементи за во бања. Овие материјали ги донираа луѓе и фирми кои се сожалија на лошата судбина на оваа девојка. Потребни се уште прозорци, врати, цемент, песок, за кои побаравме помош кај неколку компании. Но, еве уште еднаш ги повикуваме да се солидаризираат и да помогнеме сите. Условите во кои престојува семејството се ужасни, тоа е една соба, а во неа престојуваат четири возрасни лица. Планирана е доградба на уште една соба и реконструкција на постоечка со кујна, дневна и бања. Ова се минимум услови за пристоен живот и секоја помош ќе биде добредојдена“, вели Марија Николова од „Подари насмевка“.

На апелот за помош граѓаните веднаш се огласија и за ова семејство донираа кревет и инвалидска количка за болната Маја. Во семејството пристигнале и кујнски елементи, машина за перење алишта и трпезариска маса со столови. Голем број граѓани помогнаа и со пакети со храна и хигиенски средства.

Инаку, четиричленото семејство живее со една пензија од осум илјади денари од мајката на Маја, Божана. Живеат во мизерни услови во една руинирана соба, без бања и кујна, немаат ниту теливизор, ниту мобилен телефон.

Би можело да ве интересира

Отец Оливер Петровски: Околу 700 000 луѓе имаат само еден оброк во текот на денот, половина се деца

А1он

Демократско движење: Додека Владата експериментира, сиромаштијата само расте

Горан Наумовски

Четвртина од населението во Македонија не може да си го загрее домот: Енергетската сиромаштија се зголемува

Орце Костов

Речиси петтина од населението на Хрватска во ризик од сиромаштија

А1он

Децата во сиромашни семејства имаат поголем ризик да останат сиромашни, образованието клучно за надминување на оваа ситуација

А1он

Околу 28 отсто од Европејците не можат да си дозволат еднонеделен одмор