Од денеска се до 24-ти декември оваа година, согласно Законот за угостителска дејност, работното време на угостителските објекти ќе биде скратено за еден час, соопшти Државниот пазарен инспекторат.
Тоа значи дека угостителските објекти за исхрана, кафулиња, ресторани ќе можат да работат од 07:00 до 24:00 часот, освен во деновите петок и сабота, како и спроти празници, кога ќе се работи плус еден час, односно до 01:00.
Ноќните барови и кабареа можат да работат од 20:00 до 04:00 часот, а во петок и сабота, спроти празници и на празници до 05:00 часот.
Работното време за диско клубовите е од 19:00 до 04:00 часот во работни денови, односно до 06:00 часот во петок и сабота, како и спроти празнични и во празнични денови.