Екипи на Јавното претпријатие „Охридски Комуналец“ утрово започнаа акција за сечење на дрвјата во центарот на Охрид. На улицата „Партизанска“ во центарот на градот денеска беа исечени сите дрвја, а ќе се заменеле со нови.
Од Општина Охрид велат дека акцијата е на Јавното претпријатие „Охридски Комуналец“ и тие најдобро можат да објаснат околу тоа. Директорката на ЈП „Охридски Комуналец“, Елена Скрческа истакна дека дрвата биле стари, дотраени и ќе ги заменат со нови.
Согласно програмата на Секторот за комунален развој и патишта оваа година предвидено е да се сменат дрворедите на неколку сообраќајници. Почнуваме од Партизанска, ќе продолжиме на улицата „Македонски просветители“, а оваа година предвидено е дрворедите да се сменат и на улицата „Јане Сандански“. Дрвата се дел од вегетацијата и имаат одреден век на траење. Овие дрва беа од таков карактер што нивните корења ги оштетуваа пешачките патеки. Од утре ќе посадиме нови дрва од групата на лигуструмкои имаат вертикален корен и нема да предизвикуваат оштетување на пешачките патеки – истакна директорката на ЈП „Охридски Комуналец“, Елена Скрческа.
Граѓаните се револтирани заради ова сечење на дрвата и велат дека ова е сосем непотребна работа. Бараат да престане да се уништува зеленилото кое му е потребно на градот.
Ф.Ј.