Се повлекува органскиот био сок од јаболко од брендот ХИПП поради опасност од присуство на туѓо тело, соопшти Агенцијата за храна и ветеринарство.
Од таму велат дека по извршена вонредна инспекциска контрола, на компанијата увозник ѝ е издадено решение и забрана за пуштање во промет на небезбеден производ – Органски био сок од јаболко, во пакување од 0,2 литри, со лот А98967, од брендот HIPP, со рок на траење 31.10.2023 година.
„ Бидејќи како небезбедна се смета целата серија од овој производ, на увозникот наредено му е да изврши и повлекување/отповикување на овој производ со наведениот лот од прометот. Се повикуваат потрошувачите кои го имаат купено посочениот производ истиот да не го употребуваат, односно да го вратат на местото каде е купен.
Секоја недоследност во однос на безбедноста на храната граѓаните можат да ја пријават лично до Одделението за заштита на потрошувачите при АХВ, на бесплатната телефонска линија наменета за потрошувачите 0800 3 22 22, или електронски на [email protected].“ велат од АХВ.
