Од Охридксата градинка Јасна Ритевска денес 10 воспитувачки биле отпуштени од работа дознава А1.
Ова го потврдија и од градинката. Директорката Марина Петровска Тодороска ја потврди оваа вест и рече дека станувало збор за лица чии што договори им истекле заклучно со 31 март оваа година и оти истите биле вработени преку Агенцијата за вработување со посредство на Локалната самоуправа во Охрид.
Ова се случува во време кога охридските градинки имаат недостиг на соодветен персонал и кадар. Владо Суклоски, член на управниот одбор на градинката назначен од Министерство за труд и социјални работи, за локалната телевизија ТВМ изјави дека не е запознаен со овој случај бидејќи за такво нешто не било разговарано на седница на Управен одбор и оти сите оние кои сметале дека им биле укинати правата можат да достават жалби до Управниот одбор.