„Под мотото Акредитација: Поддршка во обезбедувањето на здравствено и социјална заштита“, Институтот за акредитација на Република Македонија (ИАРМ) денеска ќе го одбележи Светскиот ден на акредитацијата.
На одбележувањето ќе се обрати министерот за економија Беким Незири, директорот на ИАРМ Трпе Ристоски, претседателот на Советот на ИАРМ Борче Размоски и деканот на Медицинскиот факултет во Скопје Никола Јанкуловски.
Во рамки на свеченоста ќе биде промовиран Годишниот извештај за работа на ИАРМ за 2014 година, а традиционално ќе бидат доделени и 54 сертификати на акредитираните и реакредитираните тела за оцена на сообразност во периодот јуни 2014- мај 2015 година.