Се излеа Крушевичка Река кај Росоман, загрозен е дел од асфалтот на регионалниот пат Градско Прилеп, информираше попладнево росоманскиот градоначалник Стојанче Лазов.
-Поголеми штети засега нема. Во текот на денот пристапивме кон чистење на наносите и превентивно чистење на околината за да не дојде до поголеми последици.
Утврдени се критичните точки во општината и се превземаат активности за спречување на штети од поплавите. На помош на општината се приклучи и фирмата „Машинокоп” со својата механизација, соопшти Лазов.
Тој нагласи дека будно се следи состојбата на терен се со цел навреме да се реагира доколку биде потребно.
