Во поплавените подрачја во штипско-карбинскиот регион пристигнува помош од Цвениот крст. Секретарот на Општинската Организација на Црвен крст-Штип, Никола Камчев вели дека денеска заедно со Црвениот крст на Р.Македонија, Центарот за управување со кризи и локалните власти ќе доделат помош на населението во Општина Карбинци.
– Денеска сме заедно со претставниците на Црвениот крст да однесеме храна, хигиенски средства, вода за пиење, ќебиња, значи се она што е потребно за населението во Карбинци, а ние и понатаму ќе ја следиме состојбата и соодветно ќе одговориме на потребите на населението, вели Камчев.
Тој додава дека во моментов најпотребни како помош во штипско-карбинскиот регион се вода за пиење и хигиенски средства.