Со цел спречување на можноста за излевање на Каменичка Река денеска се чистеше нејзиното корито во Македонска Каменица.
– Вработените на ЈП „Камена Река“ интензивно го чистат коритото на реката од нанесените наноси и талог кои го стеснуваат коритото, а со тоа реката добива забрзување кое ги поткопува страните и бреговите на коритото. Во оваа активност беше вклучена крупна механизација, рече директорот на ЈП „Камена Река“ Влатко Андоновски.
Тој најави дека активностите ќе продолжат и во наредните денови, се до целосно расчистување на коритото и кажа дека јавното претпријатие ќе воведе практика за редовно миење на улиците низ градот.