Денеска се очекува СДСМ да одговори на предлогот на премиерот Никола Груевски, кој вчера ги повика опозиционерите да изгласаат комисиски извештај каков што им одговара или да се распишат предвремени избори кои би се одржале на 13 октомври.
Претходно, лидерот на опозициската СДСМ Зоран Заев изјави дека партијата нема да прифати, како што рече, уште едни криминални избори.
Според информациите, поради можноста од продлабочување на политичката криза – не е исклучена и медијација на меѓународната заедница за надминување на несогласувањата.
Токму од разврската на сегашната политичка состојба во земјава, односно од епилогот на работата на Комисијата за расчистување на настаните од 24 декември зависи дали Македонија ќе се соочи со губење на препораката за преговори со Европската унија.