СДСМ со соопштение реагира на изјавата на министерот за надворешни работи. Еве што стои во соопштението:
Во Македонија ќе има слободни, фер и демократски избори откако ќе се исполнат сите услови за кредибилен изборен процес којшто ќе ја гарантира слободната волја на граѓаните.
ВМРО-ДПМНЕ и Никола Груевски се плашат од слободни и фер избори. Затоа правеа се’ да не се исполнат минималните условите за кредибилни избори.
До крајот на годинава во Македонија ќе има фер и демократски избори на коиштоНикола Груевски и ВМРО-ДПМНЕ ќе загубат катастрофално. Тоа веќе им е јасно на сите.
Никола Попоски изјави:
„Имаме политички договор, тој политички договор останува жив и за нас тој претставува начин за пребродување на оваа политичка криза. Тоа подразбира и организирање избори во согласност со условите кои што се дефинирани со тој политички договор. Ставот на владината коалиција е јасен и тој е дека најголемата опозициска партија има можност, привилегија и луксуз да одбере во кој момент ќе се чувствува комфорно за соочување со граѓаните на демократски организирани избори“