„Целата јавност преку проектот “Вистината за Македонија“ имаше можност да чуе, а денеска и да види, како парите на граѓаните се трошеле за исполнување на луксузните желби на Никола Груевски.
Додека илјадници граѓани беа на прагот на сиромаштија, додека Македонија секојдневно скапо се задолжуваше, Груевски и ВМРО-ДПМНЕ со пари на граѓаните нарачуваа автомобил од скоро 600 000 евра, а потоа го оставија да скапува далеку од очите на јавноста.
Односот кон скапо платениот Мерцедес кој со буџетски пари беше купен по желба на Груевски во време кога полицијајците носеа искинати обувки и униформи и потоа запуштен, е најдобар доказ за односот на ВМРО-ДПМНЕ кон државните и кон интересите на граѓаните“, се вели во реакцијата на СДСМ на реакцијата на ВМРО-ДПМНЕ на прес конференцијата на министерот за внатрешни, Оливер Спасовски.