„Како што се зголемува паниката во врвот на ВМРО-ДПМНЕ така партијата соопштува се поголеми небулози.
ВМРО-ДПМНЕ ги обвини странските компании дека се виновни што Македонија е на дното по странски инвестиции во Европа.
Пред неколку дена на ВМРО-ДПМНЕ и беше виновна Светска банка којашто објави податок дека 626.312 граѓани заминале од земјава, пред се млади, образовани луѓе.
Денес за ВМРО-ДПМНЕ виновници се странските компании.
Граѓаните не можат да се изначудат што слушаат.
Ете затоа граѓаните не му веруваат ниту на Никола Груевски ниту на ВМРО-ДПМНЕ.
Граѓаните многу добро знаат дека токму поради промашените економски политики на Никола Груевски Македонија е на дното по странски инвестиции во Европа.
Дури и Народна банка објави официјални податоци дека во јуни и јули оваа година, странските инвестиции се на рекордно ниско ниво во цела Европа, дури и зад најмладата држава на Балканот, Косово.
Доволно граѓаните е да погледнат во својот џеб, во својот фрижидер и да видат колку им е намален стандардот, колку е зголемена сиромаштијата во Македонија.
Поради Никола Груевски над 180 илјади граѓани живеат со по 40 денари на ден. Поради Никола Груевски над 10 илјади фирми се затворени а секоја трета фирма е со блокирана сметка.
Доста е. Промените за подобар живот и нови работни места доаѓаат на 24-ти април, по победата на СДСМ“, се вели во соопштението на СДСМ.