Најголемата опозициона партија, Социјалдемократскиот сојуз денеска од прес – конференција во Охрид го повика градоначалникот Бакрачески да одговори за што ги задолжува жителите на Охрид со нови два милиони евра.
Тие го обвинија Бакрачески дека капитални инвестиции не се редовните обврски на локалната самоуправа.
Бараме од градоначалникот Никола Бакрачески, поставен од ВМРО-ДПМНЕ да каже за што ги задолжи охриѓани со кредит од 127 милиони денари? Дали под капитални инвестиции Никола Бакрачески подразбира асфалтирање улици и поставување атмосферска канализација, што е редовна обврска на секоја општина?!Затоа ли граѓаните на Охрид ќе враќаат кредит до 2030 година?! – прашаа од СДСМ.
Од СДСМ велат дека загрижувачки е фактот дека советниците на ВМРО – ДПМНЕ и Бакрачески кријат колкави камати ќе плаќаат охриѓани за земениот кредит од 127 милиони денари.
Во одлуката што се донесе на претходната 27 седница буквално стои дека каматната стапка изнесува „шестмесечен EURIBOR со варијабилен распон”, што значи дека каматната стапка е од прилика 0,2%. Ново материјалите каде што е доставен табеларен преглед за распоред на отплатата на кредитот наведена е каматна стапка од 5% – рече координаторот на советничката група на СДСМ, Јован Стојаноски.
Тој додаде дека врв на се е одговорот на градоначалникот Никола Бакрачески на вчерашната седница, кога изјави дека каматната стапка „нема да биде поголема од 2%”.
Сега колкава е каматата на 127 милионскиот кредит: 0,2 процента, 2 процента или 5 проценти?Градоначалникот Бакрачески ги должи овие одговори на нас, граѓаните на Охрид, за најновото кредитно задолжување, што ќе го отплаќаме во следните 16 години – рече Стојаноски.
Ф.Ј.