„Во време на најголема сиромаштија и гладни граѓани, тие што безмилосно ги трошат парите на народот за непотребен луксуз, наместо за потребите на граѓаните, денес се појавија на Појадок на мост.
Срамно е она што денес го направија Коце Трајановски и министрите во Владата на Груевски кои пред јавноста сакаа да покажат милосрдие кон дел од гладните граѓани.
Ова се случува во услови кога градоначалникот Коце Трајановски и ВМРО-ДПМНЕ се луксузираат со астрономски износи од 18 милиони евра за Панорамско тркало и 10 милиони евра за луксузна зграда на ЈП Водовод.
Безобразното поигрување со потребите и чувствата на граѓаните денес срамно беше продолжено.
Наместо да ги понижува граѓаните нудејќи им милосрдие, наместо да ги троши парите за раскош и луксуз, власта треба да се зафати со решавање на егзистенционалните проблеми на своите граѓани.
Само така Груевски и Трајановски ќе покажат дека имаат желба да се грижат за илјадниците граѓани кои не можат да си дозволат ниту достоинствен појадок“, се вели во соопштението на СДСМ.