„ВМРО-ДПМНЕ се обиде да ги манипулира пензионерите. Сега фатена во лага власта на Груевски нема доблест ниту да им се извини за потценувачкиот однос кон нив.
Фактите говорат дека со укинувањето на законското усогласување власта не ги зголемува пензиите за 5%. Овој факт го признава и ВМРО-ДПМНЕ, индиректно со констатацијата дека вредноста на ова усогласување би било минимум 2% според нив. А математички е докажано дека 5 минус 2 е 3.
Ако ја земеме предвид планираната инфлација од 2%, зголемувањето е незначително.
Ако власта имаше искрени намери, во измените, само ќе додадеше одредба за зголемување на пензиите за 5%, без укинување на усогласувањето за висината на пензиите“, се вели во писмената реакција на СДСМ на реакцијата на ВМРО-ДПМНЕ за прес конференцијата на Јулијана Силјановска.
