„ВМРО-ДПМНЕ и Мицкоски немаат идеја, немаат програма, ниту политичка понуда. Опозицијата не може да се помири со успесите на МВР и полицијата.
Затоа од информации кои веќе се објавени во Билтените на МВР се обидуваат да манипулира, со случаи за кои веќе полицијата постапува и се во фаза на разрешување.
Времето кога МВР беше продолжена рака на Груевизмот и наместо да гони криминалслужеше за одмазди, закани и заташкување на кривични дела на ВМРО-ДПМНЕ заврши. МВР денеска работи професионално, одговорно и во интерес на граѓаните.
Токму затоа 75 отсто од граѓаните се чувствуваат безбедно.
МВР работи во интерес на граѓаните а ВМРО-ДПМНЕ нека смисли друг начин да го привлекува вниманието, нека даде макар еден предлог, план или идеја“, се вели во реакцијата на СДСМ на прес конференцијата на Орце Ѓорѓиевски од ВМРО-ДПМНЕ.