„ВМРО-ДПМНЕ продолжува да ја лаже јавноста за да избегне одговорност за распарчувањето и распродавањето на Славија. Лага е тврдењето на опозициската партија дека АД Славија има добивка од 800.000 евра“, реагира СДСМ на соопштението на ВМРО-ДПМНЕ.
„Оваа лага вчера беше демантирани од страна на Агенцијата за управување со одземен имот.
Како што вчера објави Агенцијата, приложувајќи и документи, Во сите изводи извадени од АД Славија, моментално има над 1,1 милиони денари или скоро 19.000 евра кои се користат за исплата на режиски трошоци и плати.
При официјален демнт, при јавно објавени документи, ВМРО-ДПМНЕ бесрамно ја лаже и манипулира јавноста.
Партијата предводена од Христијан Мицкоски не може да избегне од одговорноста за распродажбата и обезвреднувањето на АД Славија кое се случувало помеѓу 2012 и 2017 година“, се вели во реакцијата на СДСМ на соопштението на ВМРО-ДПМНЕ.