„ВМРО-ДПМНЕ го повторува истото соопштение од пред десетина дена кога кандидатот на Сојузот за иднината за градоначланик на Скопје, Јани Макрадули, исто како и денес беше во посета на Старата Скопска чаршија. И тогаш и сега кажуваат дека Макрадули за прв пат прошетал во чаршијата.
– Истовремено им се обраќаме на ДПМНЕ и ги повикуваме Трајановски и Јанкуловска да одговорат на прашањето дали тие се спремни да понесат одговорност и да поднесат поднесат оставки од своите функции откако ќе ги видат фото материјалите направени вчера во 19 часот и 17мин., пред ресторанот „Амигоси“ на кои јасно се гледа како тие користат и полициска придружба и државни автомобили кои припаѓаат на МВР?
– Впрочем, Макрадули уште синоќа ја повика министерката Јанкуловска да и одговори на јавноста која е намената на белата службена Шкода Октавија која е паркирана пред ресторанот „Амигоси“ во Бутел, ресторан во кој истовремено се наоѓаше градоначалникот Трајановски“, се вели во писмената реакција на соопштението на ВМРО-ДПМНЕ, во врска со изјавата на Јани Макрадули.