„ВМРО-ДПМНЕ нека им објасни на граѓаните зошто ги задолжува секој ден со нови 3 милиони евра кога Ставрески изјави дека со 270 милиони евра од еврообврзницата се обезбедени пари за пензии, сибвенции и социјални трансфери.
Македонија од ниско задолжена земја, со расипничкото владеење на поранешниот премиер Никола Груевски стана високо задолжена земја со историски највисок јавен долг досега од 4 милијарди и 244 милиони евра.
Само во првите три недели од јануари, оваа година Груевски и Ставрески ги задолжија граѓаните за нови 38 милиони евра.
Ако ВМРО-ДПМНЕ вели дека отплаќа кредити земени во времето на СДСМ, зошто тогаш имаме постојано зголемување на јавниот долг?
Груевски и фамилијата потрошија 630 милиони евра, пари на граѓаните, за бронза и споменици а оставија 180.000 граѓани да живеат со по 40 денари на ден.
ВМРО ДПМНЕ, Груевски и Ставрески ја ставија во залог иднината на младите, со намера преку задолжувањата што ги прават да ги спроведуваат своите коруптивно-криминални замисли“, се вели во соопштението на СДСМ.